Big Brothers er ein trio som spelar dansemusikk, med hovudvekt på pop, rock, country, blues og dansebandslagerar frå 60-talet og fram til dagens listetoppar. Dei dreg òg i gong fengjande gamaldanslåtar dersom det er ynskje om det. Repertoaret består av over 200 låtar, og tilbakemeldingane frå både publikum og arrangørar er at dette er god musikk å danse til.
Big Brothers spelar med ei innleving og eit humør som gjer at du vil synge med frå første strofe!

Big Brothers består av Asgeir Nerbø frå Aukra og brødrene Dag Eivind og Tore Sjøvik frå Midsund. Alle har lang erfaring frå forskjellige grupper på Nord-Vestlandet, i tillegg til at dei òg spelar i seksmanns-danseorkesteret Tequila.

Asgeir syng og spelar gitar, og er kjend for å takle dei fleste stilartar med si utrulege stemmeprakt.
Dag Eivind spelar sologitar og bass, og dreg i gong nokre fantastiske versjonar av ”Still Got the Blues” og ”Long Train Running”.
Tore medverkar på orgel, piano, munnspel og vokal – i tillegg til arrangering av rytmekomp.
Når Tore er i godlune er det store sjansar for å få høyre han synge songar som ”Ungkar med Dobbelseng”, ”Granada”, ”Heart of Gold” m.fl.